ផ្នែកការបញ្ជ្រាបយេនឌ័រ

ចក្ខុវិស័យដ៏សំខាន់មួយរបស់គម្រោងការលើកកម្ពស់ជីវភាពធន់នឹងអាកាសធាតុនៃសហគមន៍ផលិតស្រូវនៅតំបន់បឹងទនេ្លសាប (PCRL)  គឺដើម្បីលើកកម្ពស់ការបញ្ជ្រាបយេនឌ័រនៅគ្រប់ជំហាននៃការអនុវត្តគម្រោងទាំងមូល។ 

ការបញ្ជ្រាបយេនឌ័រនៅក្នុងគម្រោង PCRL សំដៅទៅលើការធ្វើសុខដុមនីយកម្មនៃទស្សនវិស័យ និងយុទ្ធសាស្ត្រដែលជួយលើកកម្ពស់សមភាពយេនឌ័រ និងការពង្រឹងសិទ្ធិអំណាចរបស់ស្ត្រី ក៏ដូចជាការធានាឱ្យមានបរិយាបន្នក្នុងគ្រង់សកម្មភាពទាំងអស់នៃគម្រោង រួមទាំងការធ្វើផែនការ ការអនុវត្ត ការត្រួតពិនិត្យ និងការវាយតម្លៃ។ ការបញ្ជ្រាបយេនឌ័រ នឹងជួយបង្កើនប្រសិទ្ធភាពនៃសកម្មភាពអនុវត្តគម្រោង PCRL តាមរយៈដំណោះស្រាយចំពោះបញ្ហា និងតម្រូវការផ្សេងៗគ្នារបស់អ្នកទទួលផលគម្រោង និងអ្នកពាក់ព័ន្ធគ្រប់ភេទ ដោយរួមចំណែកដល់ការទទួលស្គាល់បិរយាបន្នសង្គម និងសេដ្ឋកិច្ច ដែលធានាថាអ្នកទាំងឡាយណាដែលកំពុងជួបប្រទះហានិភ័យនៃភាពក្រីក្រ និងការផាត់ចេញពីសង្គម ពិតជាអាចទទួលបានឱកាស និងធនធានចាំបាច់ដើម្បីចូលរួមយ៉ាងពេញលេញក្នុងជីវភាពសេដ្ឋកិច្ច សង្គម នយោបាយ និងវប្បធម៌ ក៏ដូចជាដើម្បីទទួលបាននូវស្តង់ដាជីវភាពរស់នៅសមរម្យ។