ផ្នែកខ្សែច្រវាក់កសិកម្ម

ខ្សែច្រវាក់តម្លៃកសិកម្មបច្ចុប្បន្នដែលពាក់ព័ន្ធនឹងសហគមន៍ផលិតស្រូវនៅតំបន់បឹងទន្លេសាប បានវិវឌ្ឍទៅតាមការអនុវត្តផលិតកម្មតាមទម្លាប់ជាធម្មតា និងគំរូអាកាសធាតុ។ ខ្សែច្រវាក់តម្លៃទាំងនេះមិនបានគិតគូរពីការប្រែប្រួលអាកាសធាតុទេ ដោយសារតែកង្វះបច្ចេកវិទ្យាបន្ស៊ាំទៅនឹងអាកាសធាតុ ហើយជាទូទៅមិនសូវមានភាពរឹងមាំគ្រប់គ្រាន់ដើម្បីឆ្លើយតបទៅនឹងការប្រែប្រួលអាកាសធាតុជាបន្តបន្ទាប់។ ទោះបីជាតួអង្គផ្សេងៗនៃខ្សែច្រវាក់តម្លៃ បានយល់ដឹងពីនិន្នាការអាកាសធាតុក៏ដោយ ជាទូទៅពួកគេមិនបានដឹងអំពីសកម្មភាព ការវិនិយោគ ឬវិធីសាស្រ្តជាក់លាក់ដែលត្រូវអនុវត្ត និងរួមចំណែកប្រកបដោយប្រសិទ្ធភាពដល់ការកែលម្អភាពធន់ទៅនឹងការប្រែប្រួលអាកាសធាតុនោះទេ។

គម្រោង PCRL មានគោលបំណងបង្កើនភាពធន់នឹងអាកាសធាតុរបស់កសិករខ្នាតតូចដែលងាយរងហានិភ័យនៅក្នុងសហគមន៍ផលិតស្រូវដែលកំពុងប្រឈមនឹងការកើនឡើងនៃផលប៉ះពាល់អាកាសធាតុ។ គម្រោងនេះ មានបំណងធ្វើឱ្យជីវភាពរស់នៅរបស់ពួកគេប្រសើរឡើងតាមរយៈសកម្មភាពបង្កើតប្រាក់ចំណូល និងតម្លៃបន្ថែម ដោយជំរុញការបង្កបរិយាកាសអំណោយផល និងការលើកកម្ពស់ការអនុវត្តកសិកម្មដែលធន់នឹងអាកាសធាតុ ដើម្បីបង្កើនភាពធន់ ប្រសិទ្ធផល និងលទ្ធភាពទទួលបានប្រាក់ចំណេញពីខ្សែច្រវាក់តម្លៃផលិតកម្មស្រូវ។ គម្រោង PCRL លើកកម្ពស់វិធីសាស្រ្តផ្អែកលើតម្រូវការទីផ្សារ ដើម្បីកែលម្អភាពធន់នឹងអាកាសធាតុ ដោយការចូលរួមជាមួយវិស័យឯកជនក្នុងតំបន់ និងជំរុញសមត្ថភាពបន្ស៊ាំ ក៏ដូចជាជីវភាពរស់នៅរបស់សហគមន៍គោលដៅ តាមរយៈការអភិវឌ្ឍជំនាញអាជីវកម្មកសិកម្មនានា ទន្ទឹមនឹងការពង្រឹងទំនាក់ទំនងទីផ្សារដើម្បីចាប់យកតម្លៃ និងប្រយោជន៍តាមរយៈការលើកទឹកចិត្តផ្សេងៗ ផ្អែកលើតម្រូវការជាក់ស្តែង សម្រាប់ផលិតកម្មប្រកបដោយនិរន្តរភាព។